O xornalista Marcos Méndez Moreira foi o gañador do premio José Couso de Liberdade de Prensa 2023 correspondente á súa décimo novena edición. Trátase dun galardón que conceden o Colexio Profesional de Xornalistas de Galicia e o Club de Prensa de Ferrol.
“Somos unha profesión de servizo á sociedade”, destaca Marcos Méndez que segue a denunciar a “precariedade laboral enquistada” na que sobreviven moitos xornalistas. Reclama a importancia dunha profesión necesaria para evitar a difusión de mentiras e a manipulación da opinión pública.
O colexio profesional de Xornalistas de Galicia e o Clube de Prensa de Ferrol crearon o Premio José Couso de Liberdade de Prensa en memoria do cámara ferrolán José Couso, asasinado no Hotel Palestina de Bagdad o 8 de abril de 2003 mentres cubría o conflito bélico en Iraq para os informativos de Tele 5. Os organizadores queren persoalizar na figura de Couso a todos aqueles xornalistas, galegos ou non, que cada ano son asasinados, maltratados ou privados dos seus dereitos como persoas e como informadores.
Marcos Méndez Moreira naceu en Lugo en 1976. É licenciado en Comunicación Audiovisual pola Universidade de Navarra, ten un máster de Producción Audiovisual pola Universidade Complutense e Máster en Industrias Creativas na Universidade de Santiago de Compostela. Incorporouse aos medios de comunicación en 1996 exercendo como xornalista en Localia Lugo, Atlas Galicia, Antena 3 e TVE. Dende o ano 2010 traballa como xornalista freelance. A súa labor xornalistíca levouno aos cinco continentes e, dende o 25 de febreiro de 2022 é corresponsal na guerra de Ucraína.
Méndez tivo o privilexio de traballar co propio José Couso polo que lembra que temos que seguir pedindo xustiza.
CON: Marcos Méndez Moreira, xornalista
https://couso.xornalistas.gal/edicions/actual/marcos-mendez/?lang=es
REALIZACIÓN: Susana Falcón, EMUGA/Radiofusión
