Licenciada en Ciencias Políticas, especialista en migracións internacionais e doutora en ciencias sociais e do comportamento, Luca Chao é a autora do libro ‘Feminismo en cen palabras’, unha muller segura de que quen decide escribir un libro coma este faino dende o convencemento feminista, ese ideal revolucionario en virtude do cal todas as persoas somos iguais.
Luca ten claro que a forma na que pensamos define a forma na que falamos e, polo tanto, a forma na que construímos o mundo. Hai que ter claro cal é o obxectivo dunha sociedade igualitaria. Aquel no que non haxa diferenzas. Hai que ver persoas, non nenos nin nenas.
O feminismo é movemento e pensamento. Iso é o que Luca Chao transmite ás súas alumnas. Non basta só con dicir que cremos na igualdade. O feminismo non se entendería senón fora acción diaria. Acción que no debe faltar o 8 de marzo, coa celebración do Día Internacional da Muller. Unha data máis que necesaria.
Queda moito camiño por percorrer. Desgraciadamente, o machismo está aínda moi presente en tódolos ámbitos da vida. Curioso é o caso no eido científico e sanitario. Aquí tamén hai un sesgo de xénero.
Uns dos principais perigos para a loita feminista son os gobernos autoritarios. Os dereitos da igualdade non están aínda conquistados. Nunca hai que dar voz aos intolerantes.
Pola contra, ás mulleres feministas presentes nas Institucións son a esperanza para seguir avanzando a prol dos nosos dereitos.
Luca Chao foi tamén deputada no Parlamento Galego e dende a súa perspectiva ten claro o papel da actividade política no retroceso ou avance do feminismo. Grazas ao seu traballo diario coa mocidade cre que hai espazo para optimismo de cara á consecución do ODS número 5 incluído a Axenda 2030.
CON: Luca Chao
https://www.instagram.com/lucachao/
REALIZACIÓN: Susana Falcón
