O IES de Fene acadou en 2023 dous recoñecementos no Torneo de Robótica First Lego League Galicia. “Os robots do Pazo” é o nome do equipo formado por alumnos e alumnas de primeiro, segundo e terceiro da ESO que deseñaron o proxecto de Terraza Ecofriendly, calefactada con chan radiante mediante placas fotovoltaicas e bomba de calor. O obxectivo desta idea é substituír as bombonas de butano por un sistema máis ecolóxico. Juana Polo, adestradora do equipo gañador e profesora de tecnoloxía do IES de Fene.
Tendo en conta a temática da enerxía marcada nesta edición pola First Lego League, no IES de Fene tiveron clara a súa idea dende o principio. A rapazada tivo que facer o traballo fóra do horario lectivo, nos recreos, e a resposta foi moi boa. Contaron, ademais, coa axuda de diversos expertos na materia.
A First Lego League é unha competición organizada en Galicia pola Universidade da Coruña. Celébrase tódolos anos no Campus Industrial de Ferrol e ten como eixe a robótica, pero vai moito máis alá xa que ademais de construir un robot con pezas de Lego e programalo para que cumpla unha serie de misións, sempre lanza un desafío, este ano nomeado SuperPowered, sobre o que os participantes deben investigar e desenvolver unha solución innovadora.
Ademais, tamén se poñen en xogo os valores de equipo, compañeirismo, respecto entre eles e cos demais equipos e, nesta ocasión, tamén os medioambientais.
CON: Juana Polo, docente Tecnoloxía IES de Fene
https://www.edu.xunta.gal/centros/iesfene/
REALIZACIÓN: Susana Falcón, EMUGA/Radiofusión
