Cando as Nacións Unidas decidiron en 2015 crear un conxunto de obxectivos globais para acabar coa pobreza e a desigualdade para 2030, acordáronse sobre a base de que se aplican para todos, en todas partes e «non deixarán a ninguén atrás».
E non é esta unha premisa valeira, o principio de «non deixar a ninguén atrás» é especialmente relevante para todas as persoas que sofren discriminacións de calquera tipo e condición.
É unha realidade que o colectivo LGBTIQ+, foron deixadas atrás repetidamente polas iniciativas de desenvolvemento nacionais e internacionais. As leis discriminatorias, os proxectos que non recoñecen as súas necesidades específicas e as actitudes sociais negativas combináronse para impedir o avance das persoas LGBT. As consecuencias de esta invisibilización son tanto máis graves se falamos nun colectivo con escasas capacidades de defensa, como é o caso da infancia e a xuventude LGBTIQ+.
Os ODS teñen que dar cabida a todas as realidades e facer boa a premisa de “non deixar a ninguén atrás”. Esa é a lectura que temos que facer na aplicación da meta 4.a do ODS 4 Educación Inclusiva e de Calidade. “Construír e adecuar instalacións educativas que teñan en conta as necesidades do alumando e as persoas con discapacidade e as diferenzas de xénero, e que ofrezan contornas de aprendizaxe seguros, non violentos, inclusivos e eficaces para todos”. As contornas de aprendizaxe seguras non poden entenderse como edificios que respecten as normas de eficicabilidade, a seguridade ten que ser, neste caso, un concepto holístico, xa que o desenvolvemento das persoas ten que contemplar todos as súas características.
Conscientes de que os centros de ensino teñen que ser espazos seguros tamén no que á igualdade e a identidade de xénero se refiren, a Sociedade Cooperativa Rexenerando, unha cooperativa sen ánimo de lucro do eido da intervención sociocomunitaria, fundada no 2014 no Golfo Ártabro e formada por un equipo multidisciplinar , teñen creado un proxecto que quere, traballando coa mocidade e a comunidade educativa, crear espazos educativos seguros e inclusivos.
O “Laboratorio de Apoderamento LGBT+” (LAB LGBT+) é un programa de carácter social que busca sensibilizar as comunidades locais no respecto á diversidade sexual, traballando de maneira específica coa mocidade. Nace como unha aposta pola creación espazos educativos máis seguros e inclusivos, onde todo o estudantado, á marxe da súa identidade, expresión de xénero e/ou orientación sexual poida sentirse recoñecido e aceptado.
Falamos con Martín Añel, Sociólogo especializado en igualdad de xénero e diversidade sexual da Cooperativa Rexenerando.
Realizado por Henrique Sanfiz e Ana Santiago, EMUGA
