Mellor, imos preguntarlle a unha experta na materia. Mar Pérez Fra é profesora de Economía Aplicada no Campus de Lugo da Universidade de Santiago de Compostela e conta cunha ampla traxectoria no deseño, desenvolvemento e avaliación de políticas de desenvolvemento rural. “O baleirado do rural é un síntoma, non o problema” afirma a profesora universitaria.
Non adoitamos pensar que os nosos xestos cotiáns teñen repercusión en esferas máis amplas. Comer é unha actividade diaria da que non podemos prescindir e da que gozamos.
Non obstante, adoitamos ignorar o ecosistema que produce os alimentos de igual xeito que ignoramos que formamos parte dese mesmo ecosistema. A produción do que comemos non é inocua para o territorio: conforma paisaxes, afecta a procesos de regulación ecosistémica e mesmo crea culturas. Cada unha das nosas decisións de compra no mercado é un voto por un modelo de produción, e ese modelo de produción conforma o mundo en que vivimos, o territorio que habitamos e que habitarán os nosos fillos e fillas.
CON: MAR PÉREZ FRA
REALIZACIÓN: Susana Falcón, EMUGA/Radiofusión
