A asociación oncohematolóxica Por+Vida de Fene ofrece apoio e asesoramento a persoas que teñen cancro e ás súas familias.
A fatiga é o efecto secundario máis frecuente do tratamento do cancro. É posible que os tratamentos contra o cancro, como a quimioterapia, a radioterapia, a terapia hormonal, o transplante de medula ósea e a inmunoterapia, causen fatiga. A fatiga é tamén un síntoma común dalgúns tipos de cancro.
Diante desta situación, Por+vida loita iniciou un programa de actuación fronte ao cancro a través da ximnasia e o exercicio; así, contan cun programa de exercicio físico, ‘Educación Física contra a Fatiga oncolóxica’, para as persoas que padeceron cancro. Unha experiencia moi gratificante que naceu dunha idea entre o Concello de Fene e o profesor de Educación Física, José Barcia.
Ademais a Asociación ofrece charlas e formación en moitos temas. Unha das máis relevantes foi a charla, “Eutanasia e Testamento Vital”, sobre sobre o dereito de toda persoa a dispoñer con liberdade do seu corpo e da súa vida e a elixir libre e legalmente o momento e os medios para finalizala. A charla realizouse a través da asociación Dereito a Morrer Dignamente Galicia.
O presidente galego da Asociación DMD Galicia, Miguel Anxo García Álvarez, falou da nova lei de Eutanasia e do Testamento Vital, de como facer para formalizar a nosa vontade de xeito legal, do rexistro galego… e de todo o referente ao tema obxecto da charla.
Con: Mónica Martínez
https://es.linkedin.com/in/por-m%C3%A1is-vida-asociaci%C3%B3n-oncohematol%C3%B3xica-5a4913229
https://www.facebook.com/pormaisvida/?locale=es_ES
REALIZACIÓN: Susana Falcón – EMUGA / RADIOFUSIÓN
