Con 50 anos de historia, aniversario que celebran neste ano 2023, a Sociedade Galega de Historia Natural, é a sociedade ambientalista decana de Galicia.
A Sociedade Galega de Historia Natural realiza unha importantísima labor xa que participa en campañas de defensa e protección da natureza, realiza alegacións a proxectos que poidan afectar negativamente ao medioambiente, desenvolve proxectos de custodia de territorio e para a restauración e conservación do patrimonio natural. Fai, ademais, os censos de aves acuáticas invernantes dende 1973 e realiza diversos atlas de fauna e flora de Galicia.
O Museo de Historia Natural de Ferrol é unha instalación divulgadora e científica á disposición do público. Procede da actividade social da SGHN ou doazóns particulares, e toda a mostra está feita sen dano á Natureza. Precisamente, a delegación de Ferrol é a máis numerosa de todo o conxunto. Naceu en 1979 cando aínda non se pensaba tanto non plásticos nin no cambio climático.
Tamén ten unha importante labor de divulgación científica a través da revista ‘Paspallás’ ademais da edición de ‘Braña’, a primeira revista científica en Galego.
O Biólogo, profesor e delegado da SGHN en Ferrol, Xan Rodríguez Silvar, asegura que tódalas persoas podemos facer algo dende o punto de vista individual para mellorar o noso planeta, ademais non quere esquecerse do actual problema da auga provocado polo cambio climático. Un problema que sí, que tamén existe en Galicia.
CON: Xan Rodríguez Silvar, delegado SGHN en Ferrolterra
REALIZACIÓN: Susana Falcón, EMUGA/Radiofusión
