ACAMPA é unha iniciativa cidadá sen fins de lucro integrada por colectivos sociais, culturais, educativos, veciñais, políticos, sindicais, artísticos, de persoas solidarias, de institucións e empresas con responsabilidade social. Ten como obxectivo a defensa dos dereitos humanos, o Dereito Internacional Humanitario e o Dereito a Refuxio promovendo a participación e a implicación.
O terceiro Recoñecemento Acampa á Defensa dos Dereitos Humanos nas categorías internacional e galega recaeu sobre o expresidente de Uruguai Pepe Mújica e o sindicalista Rafael Pillado. O acto de entrega do galardón, unha escultura da artista Pilar Subías, tivo lugar durante o desenvolvemento do sétimo Encontro Internacional Acampa pola Paz baixo o título ‘Odio ou Convivencia’,
Ademáis de presidente de ACAMPA, Xosé Abad é fotoxornalista e pensa que os medios de comunicación teñen a máxima responsabilidade á hora da difusión dos discursos de odio. Insiste en poñerlle coto ás mentiras e a desiformación.
Sobre o histórico Rafael Pillado Lista, ferrolán que adicou a súa vida a loitar contra a ditadura franquista e despois polos dereitos dos traballadores, Acampa destaca que obtén este premio «polo seu compromiso inquebrantable». A Rede Acampa celebra de Pillado que foi «un incansable loitador dos dereitos sociais e políticos da clase traballadora».
‘A reinvindicación como un factor de loita era unha das premisas’ de Pillado, tal e como seguía a manifestar pouco antes do seu pasamento.
CON: Rafael Pillado e Xosé Abad
https://twitter.com/Acampa_polapaz
REALIZACIÓN: Susana Falcón, EMUGA/Radiofusión
