O primeiro evento desenvolveuse no marco do Mercat Audiovisual de Cataluña (MAC) en Granollers, así como no seo de RTV Cardedeu (RTVC) do 1 ao 3 de xuño de 2022. Ademais de conferencias e relatorios, organizouse un programa especial de TV sobre os ODS desde os estudos de RTVC, coa participación de alumnado procedente de 3 colexios.

O segundo encontro estatal de medios locais, titulado Retos Globais, Impacto Local, levouse a cabo en Sevilla entre o 17 e 18 de novembro de 2022. Contou coa participación de máis de 20 persoas expertas. Retransmitíronse as mesas redondas e conferencias nas máis de 90 emisoras socias de EMA-RTV.

O terceiro encontro, organizado pola Rede de Medios Comunitarios e un dos seus medios asociados, Color Comunitaria, celebrouse en Málaga entre os días 2 e 4 de xuño de 2023. O eixe central destas xornadas foi a presentación de “cOmunicánDonoS”, a Guía práctica para a elaboración de contidos audiovisuais e podcasts relacionados cos Obxectivos de Desenvolvemento Sostible.

O cuarto encontro levouse a cabo en Sevilla os días 9 e 10 de novembro de 2023 no marco da segunda fase do proxecto “Empeza por ti”. Seguiuse explorando as conexións esenciais entre a comunicación local e a Axenda 2030 e o papel das emisoras de proximidade en favorecer a consecución dos ODS.