Menu
ONDA ODS - DE MEDIOS LOCALES A MEDIOS GLOCALES - EDICIÓN III (2024-2025)
A terceira edición do proxecto ONDA ODS busca impulsar sinerxías multiactor e multinivel para a promoción da Estratexia Española de Desenvolvemento Sostible a nivel estatal con propostas innovadoras. Constrúese arredor de tres piares:
A implementación do I concurso radiofónico estatal sobre ODS e Axenda 2030 entre 16 centros educativos do Estado español
“Onda ODS – o futuro é teu” é un concurso inter-institutos a nivel estatal dirixido a estudantes de Educación Secundaria Obrigatoria (ESO), concibido como unha iniciativa innovadora para promover o coñecemento e a acción arredor dos Obxectivos de Desenvolvemento Sostible. Ao longo de 4 meses, 16 equipos de 4 alumnos procedentes de 16 institutos participarán nunha quincena de programas radiofónicos nos que deberán realizar probas, tests e responder a preguntas arredor de eixes centrais da EEDS e da Axenda 2030.
A xeración dunha estratexia estatal de comunicación multilingüe arredor dos ODS e dos Retos País da EEDS
Esta campaña estatal, difundida en 240 medios locais, pretende sensibilizar a 2,51 millóns de persoas en 11 comunidades, dando visibilidade ás políticas públicas, iniciativas cidadás e privadas impulsadas desde o ámbito local e rural para o cumprimento da EEDS.
Incluirá máis de 120 programas informativos en 4 idiomas, 4 magazines radiofónicos producidos simultaneamente desde os estudos dos 4 socios e en 3 idiomas (catalán, galego e castelán), 40 audiovisuais especificamente creados para a súa difusión en redes (Reels, Shorts e vídeo TikTok) para fomentar a participación dos máis novos no proxecto.
A implementación de 16 coloquios radiofónicos públicos sobre a Axenda 2030
Ao longo de 2025 celebraranse 16 coloquios radiofónicos de dúas horas en municipios, principalmente rurais e con alta vulnerabilidade social. Dirixidos a comunicadores, representantes do tecido asociativo e cidadanía local, estes encontros buscan profundar na Axenda 2030 desde unha perspectiva próxima e territorial.
En cada municipio, un grupo motor impulsará un proceso participativo para identificar a temática máis relevante segundo o contexto local e as prioridades da EEDS. Os coloquios, en formato de tertulia e coa participación de persoas expertas, emitiránse para unha audiencia estimada de 2,51 millóns de oíntes a través de catro redes radiofónicas.
ONDA ODS - EMPEZA POR TI - EDICIÓN II (2023-2024)
A segunda edición do proxecto puxo en marcha unha estratexia local-global de comunicación a nivel estatal, co fin de sensibilizar á cidadanía española sobre a Axenda 2030 e favorecer o cumprimento dos retos país da Estratexia de Desenvolvemento Sostible, mediante a participación activa de actores clave en 11 comunidades autónomas. O proxecto desenvolveuse en 3 fases:
● A creación e distribución masiva dun kit de estratexias e contidos de comunicación sobre os ODS
Partindo dunha fase de investigación e identificación de prácticas novidosas, un grupo motor a nivel estatal constituído por profesionais procedentes das 4 redes de medios locais socios do proxecto crearon un Kit de estratexias e contidos de comunicación sobre os ODS. Intitulado ComunicánDonoS, esta guía pretende ofrecer ferramentas comunicativas, procesos e metodoloxías, así como exemplos de formatos de audio, vídeo e de RRSS que teñan un gran potencial en canto á promoción das temáticas relacionadas coa Axenda 2030. Traducido a 3 idiomas, distribuíronse máis de 2000 exemplares a entidades sociais e medios de comunicación locais a nivel estatal.
● A implementación de 12 estratexias locais de comunicación sobre os ODS xeradas por alianzas locais multiactor e multinivel en 12 municipios
Estas campañas apuntaron a aterrar a Estratexia Española de Desenvolvemento Sostible e ofrecer á cidadanía información clave que permita favorecer cambios de hábitos para a consecución de ODS específicos en cada municipio. En cada municipio, creouse unha alianza local formada por representantes do goberno local, dos medios de proximidade e do tecido asociativo e privado. Xuntos realizaron un diagnóstico que permitiu identificar algúns ODS prioritarios para cada municipio. Posteriormente, xeraron 12 estratexias locais intituladas Empeza por ti, destinadas a acompañar á cidadanía na súa concienciación sobre os indispensables cambios de hábitos que debemos implementar en materia de consumo, coidado do medioambiente, xénero, etc.
● A xeración dunha estratexia estatal de comunicación arredor dos retos país da Estratexia Española de Desenvolvemento Sostible (EEDS)
Esta campaña estatal, difundida en máis de 240 medios locais, sensibilizou a 2,51 millóns de persoas en 11 comunidades sobre os retos e prioridades clave identificadas na EEDS 2030. Deu voz a un sen fin de entidades e organizacións de ámbito local que implementan actividades, proxectos e iniciativas relacionadas coa consecución dos retos plantexados pola Axenda 2030.
ONDA ODS - EDICIÓN I (2021-2022)
A primeira edición de ONDA ODS descansou sobre unha estratexia de comunicación a partir de tres eixes principais:
● Unha campaña radiofónica e audiovisual con espazos específicos en tres idiomas que foi difundida en rede así como a través das emisoras asociadas ás redes de medios locais involucradas no proxecto. O seu propósito común foi dar a coñecer as diferentes formas nas que a consecución dos Obxectivos de Desenvolvemento Sostible pode repercutir de maneira transversal no noso territorio.
● A creación dunha rede estatal de medios locais para a implementación dos ODS. Esta rede apunta a favorecer o fortalecemento dunha alianza de máis de 240 medios locais, tanto públicos como comunitarios, para que as problemáticas, desafíos, retos e oportunidades que xiran arredor dos ODS sexan amplamente coñecidos pola cidadanía española. Reflictíuse na organización de dous eventos estatais sobre comunicación local e transición ecosocial, así como na creación de SONANDO LOCAL, unha plataforma dixital OTT para o intercambio e a difusión dos contidos producidos no marco do proxecto.
● O empoderamento da cidadanía e do tecido socioeconómico rural mediante a implementación de ciclos de formación en comunicación e manexo de ferramentas radiofónicas e audiovisuais en 12 municipios. Un total de 120 mulleres, mozos e mozas e responsables de entidades que impulsan procesos de transición ecolóxica no mundo rural xerarán contidos de audio e vídeo sobre os ODS, que serán difundidos no marco da campaña nacional en rede.
