En 2005 púxose en marcha unha serie de 16 coloquios públicos radiofónicos, en localidades prioritariamente de ámbito rural, periférico, con alto grao de vulnerabilidade social. Estes coloquios foron dirixidos a un público formado por comunicadores/as, mozos e mozas, integrantes do tecido asociativo e cidadáns de cada comarca, para que puidesen ampliar os seus coñecementos sobre os elementos clave que constitúen a Axenda 2030 desde un prisma local.

En cada municipio, un proceso participativo impulsado por un grupo motor identificou unha temática específica relacionada coas prioridades estratéxicas da EEDS en función do contexto local. Posteriormente, organizáronse os 16 coloquios, cada un contando coa participación de persoas expertas na temática identificada polo grupo motor de cada localidade.

Cada evento, realizado en formato de tertulia radiofónica, foi emitido para os oíntes das 4 redes, moderado por unha xornalista do medio local da localidade e realizado en público. Paralelamente, 16 campañas locais de sensibilización complementaron cada evento.

Estas xornadas permitiron contribuír ao desenclave dos núcleos maioritariamente rurais no que respecta á implementación da EEDS: favoreceron a adquisición de novos coñecementos por parte dun público tradicionalmente illado no que atinxe á Axenda 2030.