Menu
A ESTRATEXIA LOCAL EN FENE E OS RETOS CIDADÁNS
En Fene, a asociación de Emisoras Municipais Galegas EMUGA impulsou a creación dun grupo motor que permitiu crear e lanzar a campaña Onda ODS Empeza por ti. Este grupo motor, formado por varias entidades tanto públicas como privadas procedentes do tecido sociocultural e económico do municipio, identificou varias prioridades que correspondían co diagnóstico do contexto local en canto á Axenda 2030. Tras varias reunións, decidiu que as consideradas máis adecuadas para levar a cabo a campaña en Fene foran:
Educación de Calidade,
Auga Limpa e Saneamento
Enerxía Asequible e Non Contaminante
Por outra banda, decidiu incluír a Igualdade de Xénero en todas as accións de forma transversal. Por tanto, seleccionáronse os ODS 4, 5, 6 e 7 para a creación dos retos cidadáns.
Así, o obxectivo número 5, Educación de Calidade, tomou especial relevancia para o grupo motor, sobre todo porque se entendeu o significado da educación non só como algo especificamente relacionado co aprendizaxe académico, senón tamén con outros aprendizaxes vitais imprescindibles para o desenvolvemento integral como persoas.
O obxectivo número 6, Auga e Saneamento, está moi presente na sociedade de Fene, e na rexión en xeral, ao tratarse dun territorio costeiro no que a presenza do mar, das rías como accidente xeográfico específico, está presente en moitos aspectos da vida da sociedade feniana. Zona mariñeira de alto valor, zona industrial asociada á construción naval, etc.
Respecto ao obxectivo número 7, Enerxía asequible e non contaminante, o grupo motor sinalou a importancia da instalación de fontes de enerxía fotovoltaica e as posibilidades de xerar enerxía limpa nos propios fogares, non só pola situación económica senón tamén como unha forma de Ser individual que contribúe a reducir a pegada de carbono colectiva ao reducir a demanda de electricidade producida de forma convencional.
Unha vez identificadas as prioridades, as persoas que formaban parte das entidades do grupo motor e de EMUGA xeraron e gravaron 30 retos cidadáns relacionados con estes eixes que foron posteriormente emitidos ao longo de meses na emisora municipal.
RETO 1: Lista da compra
RETO 2: Lixo polo wc non
RETO 3: Negocios locais
RETO 4: Non maltrato ao noso medio
RETO 5: Participacion feminina
RETO 6: Plasticos-no-mar
RETO 7: Produtos de hixiene non daninos
RETO 8: Produtos km0
RETO 9: Reciclaxe
RETO 10: Respectar o monte
RETO 11: Roles de xenero
RETO 12: Roupa de segunda man
RETO 13: Transporte colectivo
RETO 14: A igualdade e cousa de todos
RETO 15: Actuar para axudar ao planeta
RETO 16: Apoio ao deporte feminino
RETO 17: Bolsas reutilizables
RETO 18: Botellas reciclables
RETO 19: Campanas solidarias
RETO 20: Campanas solidarias II
RETO 21: Cocinar sen sobras
RETO 22: Coidado da auga
RETO 23: Coidado de arbores
RETO 24: Concienciacion
RETO 25: Consumo de produtos de tempada
RETO 26: Consumo responsabel
RETO 27: Consumo responsable de roupa
RETO 28: Consumo responsable II
RETO 29: Horto ecoloxico
RETO 30: Limpeza de rios
A XORNADA DE RADIO EN DIRECTO
As Rías e os retos de Onda ODS foron o fío condutor do programa especial en directo que tivo lugar no antigo Colexio Indio de Limodre, en Fene, o 1 de febreiro de 2024. O programa falou sobre a labor da escola na sensibilización da mocidade para afrontar os desafíos do Planeta. Medios de transporte colectivos, como as embarcacións para cruzar a ría, a pesca do bacallau, a evolución da industria naval e a influencia dos estaleiros no desenvolvemento das sociedades da súa zona de influencia. Os granxeiros de Magalofes, os lavadeiros de Sillobre e a vida nas parroquias de Fene.
A actualidade tamén estivo presente no programa, a profesora da USC Lois Otero profundou sobre o problema da calidade da auga, co desastre do perdigón vertido nas costas galegas, informou de como a man humana ten a culpa da degradación da auga do planeta.
Foron moitos os temas tratados neste programa especial que levou a radio á antiga escola de Limodre e no que se contou coa presenza, entre participantes e público, de case 200 persoas ao longo das tres horas de programa. Un espazo que tamén foi seguido pola retransmisión radiofónica convencional, a través da páxina web e, posteriormente, revisitado a través do formato podcast e o canal de YouTube.
ESCOITA O PROGRAMA
/
/
/
/
