En Coslada, municipio da periferia de Madrid, a constitución do grupo motor tivo, a partir da proposta da Rede de Medios Comunitarios, a Radio Jabato como impulsor e principal dinamizador da estratexia, non só pola súa labor na elaboración dos diferentes recursos para difundila, como os retos en FM e redes sociais, senón tamén como punto de confluencia de diferentes organizacións sociais do municipio, como ASAMEC, Coslada Accesible, Enmienda Limpia tu Mierda, GN Medio Ambiente, ou a AMPA do IES García Berlanga, o que facilitou tamén a participación do alumnado do centro educativo.

Neste sentido, o desenvolvemento da estratexia local tamén serviu para fortalecer os vínculos e as dinámicas de traballo entre elas. Desde o seu inicio, a iniciativa contou co apoio e a participación da Concellería de Transición Ecolóxica, Mobilidade e Transportes do Concello de Coslada. A labor deliberativa de todos estes actores levou a identificar as necesidades prioritarias do municipio e os ODS que ía servir de eixo: Produción e consumo responsables, Cidades e comunidades sostibles e Acción polo Clima.