En Corcubión, a Asociación de Emisoras Municipais Galegas – EMUGA impulsou a creación dun grupo motor que permitiu crear e lanzar a campaña Onda ODS Empeza por ti. Este grupo motor, formado por varias entidades tanto públicas como privadas procedentes do tecido sociocultural e económico do municipio, identificou varias prioridades, que correspondían co diagnóstico do contexto local en canto á Axenda 2030. Tras varias reunións, decidiu que as consideradas máis adecuadas para levar a cabo a campaña en Corcubión foran a igualdade de xénero, a educación de calidade e a enerxía asequible e non contaminante. Seleccionáronse os obxectivos 4, 5 e 7 da Axenda 2030 e acordouse por unanimidade incluílos nas actividades de sensibilización a realizar.

O obxectivo número 4, Igualdade de Xénero, aparece como unha necesidade de acción transversal en todas as accións que se levan a cabo, é unha necesidade en calquera sociedade que queira avanzar cara ao futuro.

No debate tomou especial relevancia o obxectivo número 5, Educación de Calidade, sobre todo porque todos os asistentes entenderon o significado da educación non só como especificamente relacionada co aprendizaxe académico, senón tamén con outros aprendizaxes vitais imprescindibles para o desenvolvemento integral como persoas. Por exemplo, a necesidade de existir nas diferentes etapas educativas da educación afectivo-sexual ou a pertinencia de aprender a informarse e formarse con espírito crítico.

Respecto ao obxectivo de desenvolvemento nº 7, o grupo mostrouse convencido de que ese é o camiño, a existencia e promoción de enerxías alternativas limpas e accesibles que permitan reducir ao mínimo a pegada de carbono.

Unha vez identificadas as prioridades, as persoas que formaban parte das entidades do grupo motor e de EMUGA xeraron e gravaron 30 retos cidadáns relacionados con estes eixes que foron posteriormente emitidos ao longo de meses na emisora municipal.